နာရေးကူညီမှုအသင်း(ရန်ကုန်)မှ ဥက္ကဋ္ဌ ဦးကျော်သူ ၊ သရုပ်ဆောင် အသင်းသား ထွန်းကိုကို နှင့်အတူ အသင်းသူ/သားများက ယနေ့ နံနက် (၇းဝ၀)အချိန်တွင်ကွယ်လွန်သူ ဟာသလူရွှင်တော် သရုပ်ဆောင် ကင်းကောင်း(ခ)ဦးမျိုးမြင့်အသက်(၅၅)နှစ်၏ ဈာပနအခမ်းအနားတွင် ဖေးမကူညီပေးခဲ့ကြသည်။ ဟာသလူရွှင်တော် သရုပ်ဆောင် ကင်းကောင်း(ခ)ဦးမျိုးမြင့် ၏ နောက်ဆုံးခရီးတွင် မိသားစုဝင်များ ၊ အနုပညာရှင်များ၊ ဆွေမျိုးမိတ်သင်္ဂဟာများ နှင့် ဦးကင်းကောင်အား ချစ်မြတ်နိုးကြသော ပရိတ်သတ်များစွာတို့က ကြေကွဲဝမ်းနည်းစွာဖြင့် လိုက်ပါပို့ဆောင်ခဲ့ကြသည်။ သတင်း/ဓါတ်ပုံ – G-3၊ မြတ်မိုးအောင်၊ ဖြိုးဖြိုး
နာရေးကူညီမှု အသင်း(ရန်ကုန်)ရှိ သုခအလင်း ပညာဒါန ကျောင်းသည် ဥက္ကဌ ဦးကျော်သူ ဦးဆောင်မှုဖြင့် (အခမဲ့) သင်တန်းများအား ဖွင့်လှစ်လျှက်ရှိရာ ယနေ့တွင် (၁/၂၀၁၉) ကွန်ပျူတာ သင်တန်းအား စတင်ဖွင့်လှစ်ခဲ့ ပါသည်။ သင်တန်း အဖွင့်တွင် သုခအလင်းပညာ ဒါနကျောင်းမှ ကျောင်းအုပ်ဆရာကြီး ဦးနေမျိုးအေးမှ သင်တန်းဖွင့်လှစ် ရခြင်း ရည်ရွယ်ချက်နှင့် သင်တန်းသားများ သင်တန်းပြီးဆုံး သည် အထိ တတ်ရောက်ကြရန် ပြောကြားခဲ့ပါသည်။ ယခုဖွင့်လှစ်သော(၁/၂၀၁၉) ကွန်ပျူတာ သင်တန်းတွင် Basic Level မှ Advance Level အထိ ပရဟိတ ဆရာ/ဆရာမ များမှ သင်ကြားသွားမည် ဖြစ်ပါသည်။ သတင်း/ဓာတ်ပုံ – ပြန်ကြားရေးဌာ
” သွေးချင်းတို့ရဲ့ ပွဲတော်ဆီ” ပွဲတော်ကြီး(၄) ရက်မြောက်နေ့ တွင် သဘာဝ ပတ်ဝန်းကျင် ထိန်းသိမ်းရေးကို ရည်ရွယ်၍ ဥက္ကဌ ဦးကျော်သူ၏ ဦးဆောင် လမ်းညွှန်မှုဖြင့် နာရေးကူညီမှု အသင်း(ရန်ကုန်) “ကိုယ့်အမှိုက် ကိုယ်ရှင်း” အဖွဲ့ နှင့်အတူ အသင်းသား ရုပ်ရှင်သရုပ်ဆောင် ထွန်းကိုကို၊ Model ဇူကီ၊ Model သဇင်ခိုင်၊ Model သော်သော်လမင်း တို့နှင့် ထွန်းကိုကို အားချစ်ကြသူများ အဖွဲ့တို့မှ အမှိုက် ကောက် ကုသိုလ်ယူခဲ့ကြပါသည်။ ” သွေးချင်းတို့ရဲ့ ပွဲတော်ဆီ” ပွဲတော်ကြီးကို (25.1.2019 မှ 30.1.2019)ရက်နေ့အထိ နံနက် (၁၀)နာရီမှ ည (၈)နာရီအထိ ပြုလုပ်ကျင်းပသွားမည်ဖြစ်ရာ “ကိုယ့်အမှိုက် ကိုယ်ရှင်း”အဖွဲ့ သည် နေ့လည် (၂းဝ၀) နာရီမှ စတင်၍ […]
ရန်ကုန်မြို့ ၊ ကျိုက်က္ကဆံကွင်း တွင်ကျင်းပပြုလုပ်သော ” သွေးချင်းတို့ရဲ့ ပွဲတော်ဆီ” ပွဲတော်ကြီး(၄)ရက် မြောက်နေ့တွင် နာရေးကူညီမှု အသင်း(ရန်ကုန်) K-Ambulance အရေးပေါ် ကယ်ဆယ်ရေး အဖွဲ့ နှင့် ပါရမီဆေးရုံမှ ဆရာဝန်များသည် ပွဲတော်သို့ လာရောက်သော အများပြည်သူများ အား နံနက် (၁၀)နာရီမှ ည (၈)နာရီအထိ ကျန်းမာရေး စောင့်ရှောက်မှု (အခမဲ့) ပေးကာ ဝိုင်းဝန်းကူညီ ပေးခဲ့ပါသည်။ ” သွေးချင်းတို့ရဲ့ ပွဲတော်ဆီ” ပွဲတော်ကြီးကို (25.1.2019 မှ 30.1.2019) ရက်နေ့အထိ နံနက် (၁၀)နာရီမှ ည (၈)နာရီအထိ ပြုလုပ်ကျင်းပ သွားမည် ဖြစ်ကြောင်း သိရပါသည်။
ရန်ကုန်မြို့ ၊ ကျိုက်က္ကဆံကွင်း တွင်ကျင်းပပြုလုပ်သော ” သွေးချင်းတို့ရဲ့ ပွဲတော်ဆီ” ပွဲတော်ကြီး (တတိယနေ့)တွင် နာရေးကူညီမှု အသင်း(ရန်ကုန်) K-Ambulance အရေးပေါ် ကယ်ဆယ်ရေး အဖွဲ့ နှင့် ဆရာဝန် ဒေါက်တာ သက်မှူး တို့မှ ပွဲတော်သို့ လာရောက်သော အများပြည်သူများအား နံနက် (၁၀)နာရီမှ ည (၈)နာရီအထိ ကျန်းမာရေး စောင့်ရှောက်မှု (အခမဲ့)ပေးကာ ဝိုင်းဝန်းကူညီပေးခဲ့ပါသည်။ ” သွေးချင်းတို့ရဲ့ ပွဲတော်ဆီ” ပွဲတော်ကြီးကို (25.1.2019 မှ 30.1.2019)ရက်နေ့အထိ နံနက် (၁၀)နာရီမှ ည (၈)နာရီအထိ ပြုလုပ်ကျင်းပသွားမည်ဖြစ်ကြောင်းသိရပါသည်။ ဓာတ်ပုံ – ရန်ကျော်မိုး၊ မင်းသီရိ
နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူမှ ၂၆-၁-၂၀၁၉ ရက်နေ့ ညတွင် ကော့သောင်းမြို့ ၊ အဏ္ဏဝါ ကျောက်တိုင် ဘောလုံးကွင်းတွင် ကျင်းပပြုလုပ်သော စာပေဟောပြောပွဲသို့ တက်ရောက်၍အများအကျိုးအတွက် လုပ်ဆောင်ခဲ့သည့် ပရဟိတ လုပ်ငန်းများ၏ အတွေ့အကြုံများကို ဟောပြောခဲ့ပါသည်။
နာရေးကူညီမှုအသင်း(ရန်ကုန်)ရှိ သုခအလင်းပညာဒါနကျောင်းတွင် ဖွင့်လှစ်သင်ကြားသော အမှတ်စဉ်(၂၀) (၃/၂၀၁၈) ဟိုတယ်ဝန်ဆောင်မှုအခြေခံသင်တန်းဆင်းပွဲ အခန်းအနားကို ယနေ့နံနက်(၉းဝ၀)အချိန်တွင် (သုခခန်းမ)၌ ကျင်းပပြုလုပ်ခဲ့ပါသည်။ အခမ်းအနားတွင် နာရေးကူညီမှုအသင်း(ရန်ကုန်) အမှုဆောင်အရာရှိ ဒေါ်စောသဉ္ဇာစိုးမှ အဖွင့်အမှာ စကားပြောကြားခဲ့ပြီး ၊ သုခအလင်းပညာဒါနကျောင်းမှ ကျောင်းအုပ်ဆရာကြီး ဆရာဦးနေမျိုးအေး နှင့် သင်တန်းဆရာများမှ ဆုံးမစကားများ ပြောကြားခဲ့ပါသည်။ အဆိုပါအခမ်းအနားသို့ သက်ဆိုင်ရာနယ်ပယ်အသီးသီးမှ ပရဟိတလာရောက်သင်ကြားပေးသော ဆရာဦးရွှေဇင်အောင်၊ ဆရာဦးသူသူဇော်၊ ဆရာဦးအောင်မိုးဝင်း၊ ဆရာဦးထွန်းထွန်းဝင်း၊ ဆရာဦးမင်းဆုပိုင်၊ ဆရာမဒေါ်ကေသီနိုင် နှင့်Hotelအသီးသီးမှ တာဝန်ရှိသူများတတ်ရောက်ခဲ့ပါသည်။ ဆက်လက်ပြီးသင်တန်းသားများ သင်တန်းဆင်းလက်မှတ်နှင့် ဆုတံဆိပ်များချီးမြှင့်ပေးခဲ့ကြသည်။ ထို့နောက် နာရေးကူညီမှုအသင်း(ရန်ကုန်)မှ သင်တန်းဆရာများ/ဆရာမများအားကျေးဇူးတင် ဂုဏ်ပြုလွှာချီးမြှင့်ပေးခဲ့ပြီး သင်တန်းသား/သူများ တို့က အကပဒေသာများဖြင့် ဖျော်ဖြေပေးခဲ့ကာသင်တန်းဆင်းပွဲ အခမ်းအနားအား အောင်မြင်စွာကျင်းပပြုလုပ်ခဲ့ကြသည်။
သင်တန်းလျှေက်လွှာတင်နိုင်မည့်ရက် – (၁၄.၁.၂၀၁၉) တနင်္လာနေ့ ၊ နံနက် (၉း၃၀)နာရီ သင်တန်းကာလ -(၃)လ သင်တန်းဖွင့်မည့်ရက် – (၂၈.၁.၂၀၁၉) (တနင်္လာနေ့) သင်ကြားမည့် ဘာသာရပ်များ – Basic ၊ DTP ၊ Photoshop ၊ Excel Advance Level တက်ရောက်မည့်သူများသည် Computer Basic Certificate မိတ္တူယူဆောင်လာရမည်။ Deposit အနေဖြင့်(၂၀ဝ၀ဝ)ကျပ် ပေးသွင်းရပါမည်။ သင်တန်းအောင်မြင်သူများအားလုံးကို တစ်ပတ်အတွင်း ပြန်လည်ထုတ်ပေးပါမည်။ သင်တန်းသား(၁)ဦးလျှင် တစ်ခုသာ တက်ရောက်ခွင့်ရှိပါသည်။ သုခအလင်း ပညာဒါနကျောင်း – 09421019150
၂၀၁၉ ၊ဇန်နဝါရီ (၁၁) ရက်နေ့တွင် ဒေသအသီးသီးမှ လာရောက်လှူဒါန်းကြသော အသင်းအဖွဲ့အစည်းများ စည်းလုံးညီညွတ်စွာဖြင့် ရေရှည်တည်တံ့ခိုင်မြဲပြီး အလှူငွေများလည်းရရှိပါစေ … လိုအပ်သောနေရာများသို့ ထိထိရောက်ရောက်ပြန်လည်လှူဒါန်းနိုင်ပါစေ… အလှူရှင်မိသားစုများသည် စိတ်ချမ်းသာခြင်း၊ ကိုယ်ကျန်းမာခြင်းများဖြင့် ပြည့်စုံကြပါစေ … စီးပွားဥစ္စာများလည်း ဒီရေအလား တိုးတက်နိုင်ကြပါစေ… နာရေးကူညီမှုအသင်း(ရန်ကုန်)မှဆုတောင်းမေတ္တာပို့သအပ်ပါသည်။ လှူဒါန်းလိုသောအလှူရှင်များအနေဖြင့် ဝ၉-၄၂၁၀၁၁၉၁၅ သို့ဆက်သွယ်ပြီး Account name -FREE FUNERAL SERVICE SOCIETY (YGN) Bank Account No – 208 503 20800159401 (KBZ BANK-NORTH-DAGON-2) သို့လှူဒါန်းနိုင်ပြီး အမှတ်( ၁၃/က )၊ ဗိုလ်မှူးဗထူးလမ်း၊ ၄၂ရပ်ကွက်၊ မြောက်ဒဂုံမြို့နယ်၊သို့လည်းလာရောက်လှူဒါန်းနိုင်ပါသည်။
နာရေးကူညီမှုအသင်း(ရန်ကုန်)၏ “အများပြည်သူအတွက် အများပြည်သူကောင်းမှု “ဟူသော ဆောင်ပုဒ်နှင့်အညီ နှစ်စဉ် နှစ်တိုင်း ပေးဆပ်ကူညီခဲ့သည်မှာ ယနေ့ဆိုလျှင် (၁၈)နှစ်တိုင်ပြည့်ခဲ့ပြီးဖြစ်ပါ သည်။ ထိုကဲ့သို့ ကူညီပေးခဲ့မှုများတွင် (၂၀၁၈)ခုနှစ်၏ (၁)နှစ်တာ ကာလအတွင်း ပေးဆပ်ကူညီပေးခဲ့မှုများသည် အောက်ပါအတိုင်းဖြစ်ပါသည်။ ဈာပနကူညီမှု – ၈၁၂၇ ဦး သုခကုသိုလ်ဖြစ်ဆေးခန်း – ၂၇၈၃၉ ဦး သုခအလင်းပညာဒါနကျောင်း – သင်တန်း(၄၀) – ၂၁၉၄ ဦး K-Ambulance (အရေးပေါ်ကယ်ဆယ်ရေးဌာန) – ၂၇၇၃ ဦး နာကူသီးသန့်မီးသတ်တပ်ဖွဲ့ – ၈၄ ကြိမ် နာရေးကူညီမှုအသင်း(ရန်ကုန်)သည် ထိုကဲ့သို့ ပေးဆပ်ကူညီခွင့်ရသည်မှာ ပရဟိတဝန်ထမ်းများ၊ ပရဟိတ စေတနာ့လုပ်အားပေးများ၏ “လုပ်အားဒါန” ၊ အလှူရှင်များ၏ ချွေးနည်းစာဖြင့် လှူဒါန်းထားသော အလှူငွေများဖြင့်သာ ကူညီပေးနိုင်ခဲ့သည်ဖြစ်သောကြောင့် နာရေးကူညီမှုအသင်း(ရန်ကုန်)မှ […]